বেদোত্পত্তিঃ শিষ্যনযস্তথাঽধ্যযনদানিকঃ | প্রভাষণাগ্রহরণাবৃতুচর্যাঽথ যান্ত্রিকঃ ||৪|| শস্ত্রাবচারণং যোগ্যা বিশিখা ক্ষারকল্পনম্ | অগ্নিকর্ম জলৌকাখ্যো হ্যধ্যাযো রক্তবর্ণনম্ ||৫|| দোষধাতুমলাদ্যানাং বিজ্ঞানাধ্যায এব চ | কর্ণব্যধামপক্বৈষাবালেপো ব্রণ্যুপাসনম্ ||৬|| হিতাহিতো ব্রণপ্রশ্নো ব্রণাস্রাবশ্চ যঃ পৃথক্ | কৃত্যাকৃত্যবিধির্ব্যাধিসমুদ্দেশীয এব চ ||৭|| বিনিশ্চযঃ শস্ত্রবিধৌ প্রনষ্টজ্ঞানিকস্তথা | শল্যোদ্ধৃতির্ব্রণজ্ঞানং দূতস্বপ্ননিদর্শনম্ ||৮|| পঞ্চেন্দ্রিযং তথা ছাযা স্বভাবাদ্বৈকৃতং তথা | অবারণো যুক্তসেনীয আতুরক্রমভূমিকৌ ||৯|| মিশ্রকাখ্যো দ্রব্যগণঃ সংশুদ্ধৌ শমনে চ যঃ | দ্রব্যাদীনাং চ বিজ্ঞানং বিশেষো দ্রব্যগোঽপরঃ ||১০|| রসজ্ঞানং বমনার্থমধ্যাযো রেচনায চ | দ্রবদ্রব্যবিধিস্তদ্বদন্নপানবিধিস্তথা ||১১|| সূচনাত্ সূত্রণাচ্চৈব সবনাচ্চার্থসন্ততেঃ | ষট্চত্বারিংশদধ্যাযং সূত্রস্থানং প্রচক্ষতে ||১২||
View original
वेदोत्पत्तिः शिष्यनयस्तथाऽध्ययनदानिकः | प्रभाषणाग्रहरणावृतुचर्याऽथ यान्त्रिकः ||४|| शस्त्रावचारणं योग्या विशिखा क्षारकल्पनम् | अग्निकर्म जलौकाख्यो ह्यध्यायो रक्तवर्णनम् ||५|| दोषधातुमलाद्यानां विज्ञानाध्याय एव च | कर्णव्यधामपक्वैषावालेपो व्रण्युपासनम् ||६|| हिताहितो व्रणप्रश्नो व्रणास्रावश्च यः पृथक् | कृत्याकृत्यविधिर्व्याधिसमुद्देशीय एव च ||७|| विनिश्चयः शस्त्रविधौ प्रनष्टज्ञानिकस्तथा | शल्योद्धृतिर्व्रणज्ञानं दूतस्वप्ननिदर्शनम् ||८|| पञ्चेन्द्रियं तथा छाया स्वभावाद्वैकृतं तथा | अवारणो युक्तसेनीय आतुरक्रमभूमिकौ ||९|| मिश्रकाख्यो द्रव्यगणः संशुद्धौ शमने च यः | द्रव्यादीनां च विज्ञानं विशेषो द्रव्यगोऽपरः ||१०|| रसज्ञानं वमनार्थमध्यायो रेचनाय च | द्रवद्रव्यविधिस्तद्वदन्नपानविधिस्तथा ||११|| सूचनात् सूत्रणाच्चैव सवनाच्चार्थसन्ततेः | षट्चत्वारिंशदध्यायं सूत्रस्थानं प्रचक्षते ||१२||
Meaning of the śloka
The Sutrasthana sequence covers: the origin of the teaching; student initiation; imparting study; exposition; advance preparations; seasonal conduct; instruments; use of sharp instruments; practical training; entry into practice; preparation of kshara; agnikarma; leeches; blood; the assessment of doshas, dhatus, and malas; piercing the ear; distinguishing immature and mature states; wound applications; attendance upon the wounded; what is beneficial and harmful; questions about wounds; wound discharge; what can and cannot be undertaken; classification of disease; determination of operative procedures; recognition of concealed shalya; removal of shalya; assessment of wounds; messengers and dreams; the five senses; appearance or shadow; departures from normal nature; avarana; arrangements for an army; management of a patient; division of land; the mixed topic chapter; groups of substances; cleansing and pacification; knowledge of dravya and related properties; distinctions among substances; distinctions of rasa; materials for vamana and virechana; liquid substances; and food and drink. This forty-six-chapter section is called Sutrasthana because it indicates, arranges, and brings forth the connected body of meanings.
🔊 Audio coming soon
Show commentary
প্রতিস্থানোক্তানামধ্যাযানাং নামানি নির্দেষ্টুমাহ- বেদোত্পত্তিরিত্যাদি| শিষ্যনযঃ শিষ্যোপনযনীযঃ| অধ্যযনদানিকঃ অধ্যযনসম্প্রদানীযঃ| প্রভাষণঃ প্রভাষণীযঃ| অগ্রহরণঃ অগ্রোপহরণীযঃ| ঋতুচর্যা ঋতুচর্যাধ্যাযঃ| যান্ত্রিকঃ যন্ত্রবিধিঃ| শস্ত্রাবচারণঃ শস্ত্রাবচারণীযঃ| যোগ্যা যোগ্যাসূত্রীযঃ| বিশিখা বিশিখানুপ্রবেশনীযঃ| ক্ষারকল্পনং ক্ষারপাকবিধিঃ| অগ্নিকর্ম অগ্নিকর্মবিধিঃ| জলৌকাখ্যঃ জলৌকোবচারণীযঃ| অধ্যাযো রক্তবর্ণনং শোণিতবর্ণনীযোঽধ্যাযঃ| দোষধাতুমলাদ্যানাং বিজ্ঞানাধ্যাযঃ দোষধাতুমলক্ষযবৃদ্ধিবিজ্ঞানীযঃ| কর্ণব্যধঃ কর্ণব্যধবন্ধবিধিঃ| আমপক্বৈষঃ আমপক্বৈষণীযঃ| আলেপঃ ব্রণালেপনবন্ধবিধিঃ| ব্রণ্যুপাসনং ব্রণিতোপাসনীযঃ| হিতাহিতঃ হিতাহিতীযাধ্যাযঃ| ব্রণাস্রাবঃ ব্রণাস্রাববিজ্ঞানীযঃ| বিনিশ্চযঃ শস্ত্রবিধৌ অষ্টবিধশস্ত্রকর্মীযঃ| প্রনষ্টজ্ঞানিকঃ প্রনষ্টশল্যবিজ্ঞানীযঃ| শল্যোদ্ধৃতিঃ শল্যাপনযনীযঃ| ব্রণজ্ঞানং বিপরীতাবিপরীতব্রণবিজ্ঞানীযঃ| দূতস্বপ্ননিদর্শনং বিপরীতাবিপরীতদূতস্বপ্ননিদর্শনীযঃ| পঞ্চেন্দ্রিযং পঞ্চেন্দ্রিযার্থবিপ্রতিপত্তিঃ| ছাযা ছাযাবিপ্রতিপত্তিঃ| স্বভাবাদ্বৈকৃতং স্বভাববিপ্রতিপত্তিঃ| অবারণঃ অবারণীযাধ্যাযঃ| আতুরক্রমঃ আতুরোপক্রমণীযাধ্যাযঃ| ভূমিকো ভূমিপ্রবিভাগীযঃ| দ্রব্যগণঃ দ্রব্যসঙ্গ্রহণীযঃ| সংশুদ্ধৌ শমনে চ যঃ সংশোধনসংশমনীযঃ| দ্রব্যাদীনাং চ বিজ্ঞানং দ্রব্যগুণরসবীর্যবিপাকবিজ্ঞানীযঃ| বিশেষো দ্রব্যগোঽপরঃ দ্রব্যবিশেষবিজ্ঞানীযঃ| রসজ্ঞানং রসবিশেষবিজ্ঞানীযঃ| বমনার্থমধ্যাযঃ বমনদ্রব্যবিকল্পবিজ্ঞানীযঃ| রেচনায চ বিরেচনদ্রব্যবিকল্পবিজ্ঞানীযঃ| শেষাস্তু নির্দিষ্টনামপ্রসিদ্ধা ইতি নোক্তাঃ| ‘আতুরক্রমমিশ্রকৌ’ ইতি কেচিত্ পঠন্তি; তন্ন, যতঃ পূর্বনিবন্ধকারৈরেষ ক্রমো নাঙ্গীকৃতঃ| সূত্রস্থানস্য নিরুক্তিং কর্তুমাহ- সূচনাদিতি| সূচনাত্ লেশতোঽর্থপ্রকাশনাত্| সূত্রণাত্ অর্থানাং যথাস্থানং নিবেশনাত্| সবনাত্ জননাত্| অর্থসন্ততেঃ অর্থসমূহস্য| সূত্রস্থানমধ্যাযাঃ ষট্চত্বারিংশদিতি প্রাগেব সঙ্খ্যানির্দেশাত্ পুনঃ ষট্চত্বারিংশদধ্যাযং সূত্রস্থানমিতি সঙ্খ্যাকরণং নিযমার্থং; তেন দ্রবদ্রব্যান্নপানিকানামুদকগোরসতৈলাদিপ্রকরণানাং প্রত্যেকমধ্যাযত্বং নিরাকৃতম্||৪-১২||
Meaning of the commentary
The commentator expands abbreviated titles into their full chapter names. Shishyanaya is Shishyopanayaniya; Adhyayanadanika is Adhyayanasampradaniya; Prabhashana is Prabhashaniya; Agraharana is Agropaharaniya; Yantrika is Yantravidhi; Yogya is Yogyasutriya; Vishikha is Vishikhanupraveshaniya; Ksharakalpana is Ksharapakavidhi; Agnikarma is Agnikarmavidhi; the leech chapter is Jalaukavacharaniya; and the blood chapter is Shonitavarnaniya. The chapter on doshas, dhatus, and malas concerns their decrease and increase. Karnavyadha includes piercing and bandha; the application chapter includes wound application and bandha; Vranyupasana is Vranitopasaniya; and the discharge chapter is Vranasravavijnaniya. Determination of operative work is Ashtavidha-shastrakarmiya. Concealed-shalya knowledge is Pranashtashalyavijnaniya, and its removal is Shalyapanayaniya. Wound assessment and the messenger-and-dream chapter distinguish favourable and contrary signs. The five-sense, chaya, and normal-nature titles refer to their vipratipatti chapters. Aturakrama is Aturopakramaniya; Bhumika is Bhumipravibhagiya; Dravyagana is Dravyasangrahaniya; and cleansing and pacification are Samshodhana-samshamaniya. The properties chapter covers dravya, guna, rasa, virya, and vipaka, followed by distinct chapters on dravya and rasa. The vamana and virechana chapters concern their alternative substances. Other titles are already familiar from their stated names. A variant combines Aturakrama and Mishraka in a different order, but the commentator rejects it because earlier authors did not accept that sequence. Sutra is explained by brief indication of meaning, arranging meanings in their proper places, and producing a connected body of meaning. Repeating the number forty-six fixes the chapter count: subsections on water, milk products, oils, and similar materials within the liquid and dietary chapters are not separate chapters.
Key terms
- sUcanAt (sūcanāt)
- Through briefly indicating meaning, one explanation of the name Sutrasthana.
- sUtraNAt (sūtraṇāt)
- Through arranging meanings in their proper places.
- arthasantateH (arthasantateḥ)
- Of the connected body or sequence of meanings.
- yogyA (yogyā)
- The practical-training topic, expanded to Yogyasutriya in the commentary.